الله يسلمك، هذا الأخ دويره كتب موضوع في 14/7/2007م الساعة 2:14 صباح أحد الأيام المشرقة والجميلة، يتكلم فيه عن صاحبه عباس..الخ الخ
السالفة سخيفة على عادة سواليف عمر، ولا لي نفس اقرأها مرة ثانية وألخصها، وهذي سالفة عباس:
كل ما في الاقتباس خرابيط ولا بلا معنى، الزبدة كانت هنا:أتذكر أن الزميل عبدالله المغلوث قال في إحدى مقالاته، أنه كتب مقالاً في نهاية سنته الأولى ليقدمه إلى البرفسور. كتب المغلوث عن موظفين الجامعة وعن أعضاء هيئة التدريس وملئ المقال بالشكر لهم لمساعدتهم له في سنته الأولى الجامعية. ولكن عندما قرأ البرفسور مقاله، قال له لا تكتب عن من هم يؤدون عملهم لأن هذا عملهم، أكتب عن من يعمل عمل إسثنائي، لأن هذا الشخص هو الذي يستحق الشكر. فكتب صديقنا عبدالله عن موظف البنك الذي ساعده في الحصول على شقه يسكن بها وأشياء أخرى ليس للبنك علاقة بها.
اليوم يا طويلين العمر .. نمت الساعة 7 الصباح وقمت الساعة 8 ونص .. ورحت الدوام، وداومت وبعدين اللنش بريك حقي الساعة 3 العصر .. المهم إنو كان عندي موعد الساعة 2 إلى الساعة 3 .. وصلني مسج من هذا الرجل الذي كنت سألتقيه في مكتبه في مبنى حكومة فرجينيا يقول فيه أنو راح يتأخر اللقاء إلى الساعة 3 .. المهم إني جلست الى الساعة 3 الا ربع .. نزلت لسيارتي .. أشغلها!!! ما تشتغل يمين يسار غير بدل .. ما تشتغل بغيت أبكي .. إلا يمر باص من جنبي ويوقف عند محل إنتظار الناس للباص .. بجنبي .. والله وعمري ما ركبت باص في فرجينيا .. الحين انا اعرف انو الدرب من هنا والباص رايح في نفس جهة المكان اللي انا ابيه .. والله بالبركة أركب .. وأسكت .. وطاير الباص .. ويمشي ويمشي ويدخل من وسط حواري .. قلت بس رحت فيها .. خلاص .. راح علي الموعد المهم الا شوي وسواق الباصات يلف مدري من وين الى وين .. وخيييين بط .. الا هو قدام مبنى حكومة ريتشموند وباقي 3 دقائق على 3 خخخ دخلت وقابلت رجالي اللي قابلته .. ولما طلعت وأنتظرت الباص قالوا لي ما فيه باص خخخ خلاص الساعة 5 الباصات معاد تجي هنا .. غير بدل يا ولد يمين يسار .. قالوا ما يجي شيء .. ولازم أرجع المكتب أسلم أوراق .. وأدق لك على عباس .. قلت له عباس (عباس صاحب مطعم ايراني .. تماماً مثل والدي هالرجل) .. قال لي اصبر أكلم بنتي تجي من الجامعة تمسك المحل وأجيك .. قلت له لا لا ماله داعي .. والا احلف علي ويجي ويشيلني ويوديني سيارتي وتطلع بطاريتها مخلصة ويشركها لي ويعزمني على الغدا ويغديني بعد وعباس هذا وربي انه رجالن سنافي .. والشباب ما يحبونه .. لكن وقسماً بالله أنه يسواهم كلهم
وبعدين طلبت الزميلة راحيل تغيير عنوان الموضوع إلى "الـعـبـّـاسـيـّـة" وصارت أشبه بـ مشراق المنتدى، المشراق للرجال، وشاي الضحى للبنيات، وغرفة المكياج لنجود، وساحة قصائد سليل، ولا يهون المناقر مع سليطين وأبو همد، وأحسن شيء بالعباسية طبعاً .. مشاركاتيالفائدة من الموضوع : بس ودي أسولف وأبي أفتح موضوع .. بكيفي
وتعالوا نكمل هووون
وكما قال عمر في الأولى:
الفائدة من الموضوع : بس ودي أسولف وأبي أفتح موضوع .. بكيفي
.. وليبارككم الرب
الرد مع إقتباس
ومبروك عليكم يا قوم .
المشاركة الأصلية بواسطة يهوذا
!
.
أضف هذا الموضوع إلى المفضلات